Թուրքական «Բարբարոս» նավը հոկտեմբերի 20-ին մտել է Կիպրոսի Հանրապետության բացառիկ տնտեսական գոտի, հայտնում է ՏԱՍՍ-ը՝ մեջբերելով երկրի պաշտպանության նախարար Քրիստափորոս Ֆոկիդիասի խոսքերը:
Աղբյուրը հիշեցնում է, որ նավը մտել է ԲՏԳ գոտի` Թուրքիայի՝ կղզուց հարավ գտնվող նավթագազային պաշարների սեյսմիկ հետախուզություն սկսելու նախնական հայտարարությանը համապատասխան:
Նախարարն ընդգծել է, որ Կիպրոսի իշխանություններն ուշադիր հետեւում են Անկարայի «սադրիչ եւ անօրինական» գործողություններին, որոնք խախտում են ծովային իրավունքը եւ տարածաշրջանի անվտանգությունը:
Աղբյուրը հիշեցնում է, որ նախագահ Անաստասիադասը Թուրքիայի գործողությունները գնահատել է որպես բնական պաշարների վերամշակման հանրապետության ինքնիշխան իրավունքների կոպիտ խախտում եւ հայտարարել Կիպրոսի հարցի կարգավորման շուրջ թուրք-կիպրոսյան բանակցությունները դադարեցնելու մասին: Նա այդ բանակցային գործընթացն անվանել է խուլերի երկխոսություն:
