Փորձը ցույց է տալիս, որ Ցեղասպանությունը մշտական, շարունակական գործընթաց է. դրա վերջին դրսեւորումը կարելի է տեսնել Մերձավոր Արեւլքի իրադարձություններում, հոկտեմբերի 20-ին «Արեւմտահայոց ազգային համագումար» միջազգային հասարակական կազմակերպության համաժողովում հայտարարել է «Նորավանք» գիտահետազոտական կենտրոնի տնօրեն, քաղաքագետ Գագիկ Հարությունյանը:
«Մեր գործունեության ընթացքում մենք պետք է մեծ ուշադրություն դարձնենք մեր մտավոր համախմբմանը: Ցեղասպանության հետեւանքով մենք կորցրել ենք մեր մտավորականությունը», - նշել է Հարությանյանը: Ներկայումս, հավելել է քաղաքագետը, Թուրքիան, ինչպես եւ հարյուր տարի առաջ, բավական պատրաստված հակառակորդ է` քաղաքական ռեսուրների համատեքստում: