ԱԺ փոխնախագահ Էդուարդ Շարմազանովի եւ «Ժառանգություն» խմբակցության պատգամավոր Զարուհի Փոտանջյանի միջեւ այսօրվա ընթացքում արդեն երրորդ միջադեպն է տեղի ունեցել: Փոստանջյանը խախտել է նիստի կանոնակարգը՝ տեղից ընդհատելով Շարմազանովի ելույթը: Շարմազանովը, նկատելով, որ Փոստանջյանն իրեն զուգահեռ խոսում է, ձեռքերը տարածելով իջել ամբիոնից եւ վերադարձել փոխնախագահի տեղը: «Հարգելի տիկին Փոստանջյան, դուք խախտում եք կանոնակարգը...Դուք ծախսում եք իմ ելույթի ժամանակը», - հավելել է Շարմազանովը եւ իջել ամբիոնից:
Փոստանջյանն Շարմազանովին ընդհատել է այն պահին, երբ վերջինս խոսել է քաղաքական ընդդիմախոսների նկատմամբ պատգամավորների հարգանքի մասին: «Ազգային ժողովի կանոնակարգով՝ օրինախախտ են համարվում պատգամավորները կամ խորհրդարանի նիստին ներկա գտնվող այն անձինք, ովքեր աղմկում են եւ վիրավորական արտահայտություններ թույլ տալիս նիստի ժամանակ: Այս դեպքում նախագահողն իրավունք ունի նախազգուշացումից հետո անջատել խոսափողը», - եզրափակել է Շարմազանովը՝ դրանով իսկ արժանանալով Փոստանջյանի դժգոհությանը, ում խոսափողն այսօր արդեն երկու անգամ անջատվել է: