Հայաստանը կարող է ԵՏՄ-ի համար դառնալ գիտական կենտրոն, ինչպիսին ԽՍՀՄ-ի ժամանակ էր: Այս մասին հոկտեմբերի 20-ին հայտարարեց Հայաստանում Ռուսաստանի առեւտրային ներկայացուցչության նախագահ Անդրեյ Բաբկոն «Expo Russia Armenia 2014» ցուցահանդեսին նվիրված մամուլի ասուլիսի ընթացքում, որն անցկացվելու է հոկտեմբերի 22-ից 24-ը, Երեւանում:
Նա նշեց, որ Ռուսաստանում հիշում են Հայաստանի գիտա-հետազոտական կարողությունների մասին, որոնք առկա էին խորհրդային տարիներին: «Այսօր ռուսական ընկերություններն ակտիվորեն համագործակցում են Հայաստանի հետ. մի երկրի, որը թեեւ աշխարհագրորեն այնքան էլ մեծ չէ, սակայն տնտեսական առումով բավական գրավիչ է»,- հայտարարեց Բաբկոն:
Նշենք, որ ցուցահանդեսին մասնակցելու են արդյունաբերական, առեւտրի եւ ծառայությունների ոլորտները ներկայացնող ավելի քան 100 ռուսական եւ 30 հայկական ընկերություններ: