Moody's Investors Service  վարկանշային գործակալությունը հոկտեմբերի 21-ին նվազեցրել է Ռուսաստանի յոթ խոշոր ֆինանսական կառույցների վարկանիշները` «Սբերբանկ», «Գազպրոմբանկ», «Ռոսսելխոզբանկ», «ՎՏԲ բանկ», «Վնեշէկոնոմբանկ», «Ալֆա բանկ» եւ Հիփոթեքային բնակարանային վարկավորման գործակալություն, հայտնում է «Կոմսոմոլսկայա պրավդան»` վկայակոչելով գործակալության պաշտոնական կայքը:

Աղբյուրը նշում է, որ այս ընկերությունների վարկանիշների գնահատականը ներկայումս «բացասական» է:

Թերթը հիշեցնում է, որ անցյալ շաբաթ Moody's-ը նվազեցրել էր Ռուսաստանի վարկային վարկանիշը մեկ կետով` «Baa1» -ից մինչեւ «Baa2»: