Ադրբեջանական ոճով «երախտագիտության» հերթական օրինակը գրանցվել է Ռուսաստանի Ուլյանովսկի մարզում:
ulpressa.ru-ի փոխանցմամբ՝ Ուլյանովսկի իրավապահ մարմինները հետաքննություն են սկսել գործարարի սպանության փաստով:
2014թ. հոկտեմբեի 8-ի գիշերը Սվիրսկի փողոցի տներից մեկի մուտքի մոտ հայտնաբերվել է 36-ամյա Ամիրան Ալոյանի (ազգանունից դատելով՝ ազգությամբ եզդի է, ոչ թե հայ) դին:
Շրջանային դատախազության մամուլի ծառայության տվյալներով՝ սպանվածի կնոջ՝ Լիդա Ալոյանի եւ վերջինիս պատկանող հացի փուռի աշխատակից Սահիբ Իբրահիմովի նկատմամբ քրեական գործ է հարուցվել:
Քննության տվյալներով՝ 2014թ. ապրիլից մինչեւ հոկտեմբեր ամիսներին զոհի կինը անձնական թշնամական հարաբերությունների հողի վրա որոշել է սպանել իր ամուսնուն: Այդ նպատակով 2014թ. հոկտեմբերին ամուսնուն պատկանող հացի փռի աշխատակիցներից մեկին պատվիրել է իրականացնել հանցագործությունն: Արդյունքում, 2014թ. հոկտեմբերի 8-ին Ադրբեջանի հանրապետության քաղաքացին իրագործել է սպանությունը: Ստացված հրազենային վնասվածքներից տղամարդը տեղում մահացել է:
73online.ru-ի փոխանցմամբ՝ 4 երեխաների հորը սպանել են սեփական տան մուտքին՝ կնոջ աչքի առաջ: Սպանվածի կինը մի քանի օր շարունակ «շոկի մեջ է գտնվել», սակայն երեք հարցաքննություններից հետո խոստովանական ցուցմունք է տվել: Կնոջ ցուցմունքով՝ «նա պատժել է ամուսնուն՝ ցանկանալով ազատվել նրանից»: Իսկ պատվերը կատարողին հեշտությամբ է գտել: Հացի փռի աշխատողը բավականին համեստ գումարի դիմաց համաձայնել է ազատվել իր տիրոջից եւ փրկել կնոջը տհաճ ամուսնուց:
