Կոտայքի մարզի Ակունք գյուղում հոկտեմբերի 19-ի գիշերը շմոլ գազից թունավորված 11 քաղաքացիներն արդեն դուրս են գրվել հիվանդանոցից:
NEWS.am-ին Ակունքի գյուղապետարանից հայտնեցին, որ թունավորված քաղաքացիները մի ընտանիքի անդամներ են, թունավորվել են տանը խնջույքի ժամանակ:
Նշենք, որ հոկտեմբերի 19-ին ժամը 01.00-ին հիվանդանոցից ոստիկանության Կոտայքի բաժնում հաղորդում է ստացվել, որ շմոլ գազի թունավորումով բուժօգնության է տեղափոխվել 11 քաղաքացի: Պարզվել է, որ նրանք հոկտեմբերի 18-ին, ժամը 23.00-ի սահմաններում, Ակունք գյուղում, խնջույքի ժամանակ, վատ են զգացել եւ տեղափոխվել հիվանդանոց: Դեպքի հանգամանքները պարզվում են: