Ոստիկանության Արթիկի բաժնի աշխատակիցները բացահայտել են Արթիկի քարհանքերից կատարված գողությունները:
Օգոստոսի 18-ից սկսած՝ ոստիկանության աշխատակիցներն անընդհատ ահազանգեր էին ստանում տարբեր քանհանքերի սեփականտերերից այն մասին, որ իրենց մոտից անհայտ անձինք մալուխ են գողացել:
Արթիկի ոստիկանները կազմեցին բացահայտման ծրագիր, ստեղծեցին օպերատիվ խմբեր եւ շուրջօրյա հսկողություն սահմանեցին ամբողջ տարածքում: Արդեն սեպտեմբերի 20-ին շրջող խումբը քարհանքերից մեկում կասկածելի շարժ նկատեց: Պարզվեց, որ քարհանքից փորձում են գողություն կատարել 2 անձ:
Բերման ենթարկվածները Արթիկի բնակիչ, 33-ամյա Արթուր Նազարեթյանն ու Գյումրիի բնակիչ, 31-ամյա Լիլիթ Վարդանյանը: Վերջինները խոստովանել են կատարած հանցանքը:
Մանրամասները՝ ոստիկանության պատրաստած տեսանյութում: