Ռուսաստանի նախագահը Բելառուսի նախագահի հետ հեռախոսով քննարկել է ՄՄ-ի շրջանակում առեւտրատնտեսական համագործակցության արդիական հարցեր, հայտնում է ՏԱՍՍ-ը՝ վկայակոչելով Կրեմլի մամուլի ծառայությունը:
Աղբյուրը նշում է, որ վերջին անգամ Պուտինը եւ Լուկաշենկոն հանդիպել էին հոկտեմբերի 10-ին Մինսկում՝ ԱՊՀ անդամ երկրների նախագահների նիստին:
Հեռախոսազրույցի ժամանակ Պուտինը նշել է, որ ԱՊՀ երկրների ներսում ինտեգրացիոն գործընթացները զարգացման նոր աստիճան են դուրս եկել: «Եվրասիական ինտեգրացիոն գործընթացը նոր մակարդակի է անցնում, չնայած մենք դեռ շատ բան պետք է անենք, որպեսզի ստեղծվող ԵՏՄ-ն ամբողջ ուժով աշխատի, որպեսզի մեր երկրների քաղաքացիները իրական օգուտ զգան մեր ձեռնարկած ջանքերից», - հայտարարել է ՌԴ նախագահը:
