Համաշխարհային Coca-Cola ընկերության մաքուր շահույթը 2014 թ. երրորդ քառորդում կրճատվել է 14%-ով՝ 2013 թ. նույն ժամակահատվածի համեմատ եւ կազմել 2,122 մլրդ դոլար, հայտնում է ՏԱՍՍ-ը՝ վկայակոչելով ընկերության հաշվետվությունը:
Աղբյուրը նշում է, որ ընկերության շահույթը, չնայած վերլուծաբանների ակնկալիքներին, տարեկան կտրվածքով գրեթե չի փոխվել եւ հասել է 11,98 մլրդ դոլարի:
Coca-Cola-ի մեկ բաժնետոմսի ճշգրտված շահույթը կազմել է 0,53 դոլար, ինչպես եւ ակնկալում էին վերլուծաբանները:
Նշենք, որ ընկերության բաժնետոմսերը ներկայացված են NYSE -ում եւ ընդգրկված են DJIA եւ S&P 500 ինդեքսներում:
