Թող նրանք, որոնք վստահեցնում էին թե իրենք անպատժելի են, իմանան իրենց տեղը: Այս մասին, այսօր՝ հոկտեմբերի 21-ին, ԱԺ-ում հայտարարությունների ժամին իր ելույթում նշել է ԲՀԿ խմբակցության պատագամավոր Տիգրան Ուրիխանյանը:
«Թող ոչ ոք իշխանության ճամբարից չմտածի, որ կարող է իր կատակներում շատ հեռուն գնալ»,-սպառնացել է Ուրիխանյանը՝ հավելելով, որ հոկտեմբերի 24-ի հանրահավաքը շատ բան կարող է իր տեղը դնել:
«Իսկ այն դեգեներատ երեւույթները, որոնք ժողովրդին խոստացել են «արյան հեղեղներ» (նման արտահայտություն է արել Սյունիքի մարզպետի օգնականներից մեկը-խմբ), թող իրենց քաշեն լեզուն: Ես լուրջ եմ ասում. Մենք ոչ մեկին թույլ չենք տա մոռացվել, հիշեք դա»,-ասել է ԲՀԿ-ական պատգամավորը:
Հիշեցնենք, որ հոկտեմբերի 24-ին Ազատության հրապարակում իր երկրորդ հանրահավաքն է կազմակերպում ոչ իշխանական ուժերի քառյակը (ԲՀԿ, ՀԱԿ, «Ժառանգություն» եւ ՀԺԿ):
