Հոնկոնգի իշխանությունները այսօր՝ հոկտեմբերի 21-ին, առաջին անգամ բանակցություներ են վարել բողոքող ուսանողների հետ, որպեսզի փորձեն դուրս գալ քաղաքական փակուղուց, հայտնում է BBC-ն:
Աղբյուրի փոխանցմամբ՝ բողոքող ուսանողները բանակցությունների ժամանակ հերթական անգամ հայտարարել են, որ 2017թ. վարչության ղեկավարի ընտրություններում թեկնածուների անսահմանափակ թիվ են ցանկանում տեսնել:
Հոնկոնգի եւ Պեկինի իշխանությունները, սակայն, ավելի վաղ հայտարարել էին, որ դա անհնար է: Ցուցարարները շարունակում են ցույցերը. նրանք արգելափակել են քաղաքի ելակետային փողոցները, քանի որ բողոքողների թիվը կրճատվում է:
BBC-ի փոխանցմամբ՝ ուսանողները հասկանում են, որ ազատ ընտրություններում նրանց շանսերը զրոյական են, այդուհանդերձ մնում են փողոցներում, որպեսզի ցույց տան, որ ժողովրդավարական բարեփոխումների պայքարը երկարաժամկետ է:
