ԱՄՆ Նյու Հեմփշիր նահանգի քաղաքներից մեկում՝ Ֆրիմոնթում տեղի է ունեցել վերջին 250 տարում առաջին սպանությունը: Այս մասին հաղորդում է Gazeta.ru-ն:
Մասնավորապես, Մայքլ Փորթերը խեղդամահ է արել իր ընկերուհուն՝ Մերի Լուկասին, ապա ինքնասպան է եղել: Կնոջ մարմինը հայտնաբերվել է նրա սեփական տանը, իսկ տղամարդու մարմինը՝ նրա բեռնատարում:
«Ամենացավալին այն է, որ Ֆրիմոնթը այս հունիսին տոնել է իր հոբելյանը: Մենք այնքան ուրախ էինք, որ մեր քաղաքում երբեք ոչ մի սպանություն տեղի չի ունեցել»,-ասել է տեղացի պատմաբան Մեթյու Թոմասը:
Ներկայումս Ֆրիմոնթում բնակվում է մոտ 4 հազար մարդ: Այս հունիսին քաղաքը դարձել է 250 տարեկան: