Ինտերպոլը Թաիլանդում ձերբակալել է խոշոր խարդախություններում մեղադրվող Ռուսաստանի քաղաքացուն, հայտնում է «Ռոսբալտը»:
Աղբյուրը փոխանցում է, որ 1980 թ. ծնված Ռոման Կայդանիկը միջազգային հետախուզման մեջ է տարեսկզբից: Առաջիկայում ծրագրվում է նրան արտաքսել Ռուսաստան:
Ռուսաստանում Կայդանիկը մեղադրվում է ծառայողական դիրքը չարաշահմամբ գործված խարդախության մեջ: Ներկայանալով «Բոնուս» ընկերության տնօրեն, որն իբր արտասահմանյան մակնիշի մեքենաներ է վաճառում, Կայդանիկը Նովոսիբիսրկում գնրդներից հիփոթեքային վճարումներ էր ընդունել` մեքենայի արժեքի 5% -ից 70%-ի չափով: Ընդ որում` ոչ նա, ոչ էլ ընկերությունը վաճառքի մեքենաներ չեն ունեցել:
Նովոսիբիրսկի դատարանը Կայդանիկին կալանավորելու վերաբերյալ վճիռը կայացրել էր 2013 թ. հոկտեմբերին, սակայն մայիսին «գործարարը» մեկնել էր Թաիլանդ եւ թաքնվել այնտեղ:
