Օմբուդսմեն Կարեն Անդրեասյանը հանդիպել է Հայաստանում ԵՄ պատվիրակության ղեկավար, դեսպան Տրայան Հրիսթեայի հետ եւ նրա հետ քննարկել Հայաստանում մարդու իրավունքների պաշտպանության ոլորտում փոխգործակցության հարցեր:
ՄԻՊ գրասենյակից հայտնում են, որ հանդիպման ընթացքում անդրադարձ է կատարվել նաեւ մարդու իրավունքների պաշտպանության ազգային ծրագրին, դրա կիրառմանը եւ մշտադիտարկմանը:
Դեսպանը բարձր է գնահատել Հայաստանում մարդու իրավունքների պաշտպանության ոլորտում Օմբուդսմենի եւ նրա աշխատակազմի գործունեությունը եւ պատրաստակամություն հայտնել խորացնել երկկողմ համագործակցային հարաբերությունները:
Օմբուդսմեն Կարեն Անդրեասյանն իր հերթին, ողջունելով ԵՄ պատվիրակության դերը Հայաստանում ժողովրդավարական արժեքների ամրապնդման եւ մարդու իրավունքների պաշտպանության գործում, ընդգծել է երկկողմ համագործակցության խորացման կարեւորությունը:
