Բրիտանիայի Լեսթերշիր կոմսության բժիշկներին արգելել են աշխատանքային ժամերին թեյ ու սուրճ խմել: Ըստ աղբյուրի՝ նման որոշում բուժհաստատության ղեկավարությունն ընդունել է այցելուների բազմաթիվ խնդրանքներիս ելնելով. մարդիկ գանգատվում էին, որ ընդունելության ժամանակ տաք ըմպելիքներ խմող բժիշկները ծույլ եւ անփույթ մասնագետների տպավորություն են թողնում:
Բժիշկներն արգելքն անարդարացի են համարում՝ այն անվանելով «անհեթեթ եւ հրեշավոր», նրանք նաեւ բողոքի ակցիա են կազմակերպել:
«Հետո ինչն են արգելելու, զուգարան գնա՞լը», - նրանցից մեկի խոսքն է մեջբերում աղբյուրը:
Նոր կարգադրությունը վերաբերում է միայն տաք ըմպելիքներին, որոնք «ավելի շատ լիցքաթափվելու, թուլանալու գործիք են, քան օրգանիզմում հեղուկի պահանջը լրացնելու միջոց»:
