Հաշվի առնելով այն, որ մոտենում է ԱՊՊԱ պայմանագրերի հիմնական մասի վերակնքման ժամանակը՝Հայաստանի ավտոապահովագրողների բյուրոն խնդրում է լինել զգոն, եւ խուսափել կեղծ ԱՊՊԱ պայմանագիր ձեռք բերելուց:

Այդ նպատակով Բյուրոն հրավիրում է քաղաքացիների ուշադրությունը ԱՊՊԱ պայմանագրի կնքման ժամանակ ստորեւ բերված պայմաններին.

1. Ապահովագրական ընկերության տարբերանշանի, ընկերության տվյալների եւ պայմանագրի համարի առկայությանը,

2. ԱՊՊԱ պայմանագրի վերին աջ անկյունում ունիկալ համարի առկայությանը,

3. «Ապահովադիր» դաշտում ապահովադրի տվյալների՝ մասնավորապես անձնագրային տվյալների եւ հանրային ծառայությունների համարանիշի մուտքագրման ճշտությանը,

4. Տրանսպորտային միջոցի վերաբերյալ տվյալների մուտքագրման ճշտությանը,

5. Ապահովագրավճարի եւ վճարման եղանակի վերաբերյալ տվյալների առկայությանը (այս դաշտում կատարված նշմամբ է հավաստվում ապահովագրավճարի վճարման փաստը),

6. Ձեր եւ ապահովագրական ընկերության ներկայացուցչի կողմից պայմանագիրը պատշաճ կարգով ստորագրված լինելուն։