Բրիտանական Քոլչեսթեր քաղաքի բնակչուհին քաղցկեղով հիվանդ է ձեւացել՝ ճոխ հարսանիք անելու համար, գրում է «Կոմսոմոլսկայա պրավդան»:
22-ամյա Ուոթսոնը, ըստ աղբյուրի, հարցազրույց է տվել բրիտանական թերթերից մեկին՝ պատմելով, որ հարսանիքը նախատեսվածից շուտ են անելու ահավոր հիվանդության՝ քաղցկեղի պատճառով: Աղջիկը հստակեցրել էր, որ «ողջ մնալու հավանականությունը մեծ չէ, սակայն ինքը բուժվելու հույս ունի: Իհարկե, դրա համար միջոցներ են հարկավոր, որն ինքը չունի», - աղջկա խոսքերն է մեջբերում աղբյուրը:
Բրիտանուհու պատմությունից հազարավոր մարդիկ էին հուզվել, ինչի հետեւանքով նրա համար 10 հազար ֆունտ (16 հազար դոլար) էին հավաքել: Որոշ ժամանակ անց սոցցանցում հայտնվել էին առողջությունից փայլող Դանիելի լուսանկարները, որը հայտնում էր իր հղիության մասին:
«Հիվանդի» պահվածքը կասկածների տեղիք էր տվել, որոշ ժամանակ անց ոստիկանները նրանից բժշկական քարտն էին պահանջել: Պարզվել է՝ աղջիկը հիվանդ չէ: Օրերս նա խոստովանել է խաբեությունը՝ հույսով, որ դատարանը մեղմ կվերաբերվի իրեն: Նա առայժմ բանտում է:
