Ի կատարումն ԱՊՀ պաշտպանության նախարարների խորհրդի 2014թ. աշխատանքային պլանի, ս.թ. հոկտեմբերի 21-ին Հայաստանի Հանրապետություն են ժամանել ԱՊՀ մասնակից պետությունների զինված ուժերի մասնագետները:
ՊՆ մամուլի ծառայությունից հայտնում են, որ նրանք հոկտեմբերի 22-23-ին կմասնակցեն ԱՊՀ մասնակից պետությունների զինված ուժերի ստանդարտացման եւ չափագիտական ծառայությունների պետերի անդրանիկ արտագնա համադրման կոմիտեի նիստին եւ հավաքներին:
Համադրման կոմիտեի նիստի աշխատանքներին կմասնակցեն Բելառուսի, Ղազախստանի, Ղրղզստանի Հանրապետությունների, Ռուսաստանի Դաշնության զինված ուժերի մասնագետները եւ ԱՊՀ պաշտպանության նախարարների խորհրդի քարտուղարության ներկայացուցիչները, ովքեր միջոցառման օրակարգի համաձայն, կայցելեն նաեւ Երեւանի չափագիտության ազգային ինստիտուտ: