Ոստիկանության համակարգում նոր նշանակում է եղել: NEWS.am-ին հայտնի է դարձել, որ այսօր՝ հոկտեմբերի 22-ին Շիրակի մարզի Անիի բաժնի պետ է նշանակվել Վահրամ Ենոքյանը: Մինչ այդ նա աշխատում էր ոստիկանության կենտրոնական ապարատում: Այս պաշտոնը Մհեր Ավագյանի պաշտոնանկությունից հետո արդեն մեկ շաբաթ թափուր էր:
Հիշեցնենք, որ հոկտեմբերի 14-ին մի քանի ժամ տեւողությամբ կոլեգիայի ընդլայնված նիստից հետո ոստիկանապետը Մհեր Ավագյանին ազատել էր զբաղեցրած պաշտոնից: