Նոյեմբերի 17-18-ին Եվրասիական տնտեսական միությանը անդամակցության պայմանագրի վավերացման համար արտահերթ խորհրդարանական նիստ կգումարվի: Այդ մասին NEWS.am-ի թղթակցին հայտարարեց Հանրապետական խմբակցության ղեկավար Վահրամ Բաղդասարյանը:
Նրա խոսքով՝ պայմանագիրը խորհրդարանին կներկայացվի Սահմանադրական դատարանի կողմից, որն այժմ ստուգում է երկրի հիմնական օրենքին փաստաթղթերի փաթեթի համապատասխանությունը: «Սահմանադրական դատարանը օպերատիվ կաշխատի, քանի որ պայմանագիրը պետք է ժամանակին վավերացվի: Բացի այդ, մինչեւ դեկտեմբերի վերջ մի շարք օրենքներում անհրաժեշտ է ուղղումներ մտցնել», - նշեց Բաղդասարյանը:
Հիշեցնենք, որ Հայաստանի՝ ԵՏՄ-ին անդամակցելու մասին պայմանագիրը ստորագրվել է հոկտեմբերի 10-ին, Մինսկում կայացած Բարձրագույն եվրասիական տնտեսական խորհրդի նիստում: