Հայաստանի վարչապետի՝ Իրան կատարած այցի ընթացքում քննարկվել է մեր երկրի տարածքում նոր ատոմային էլեկտրակայանի շինարարական աշխատանքներում իրանական կողմի մասնակցության հարցը: Այդ մասին այսօր՝ հոկտեմբերի 22-ին, մամուլի ասուլիսի ժամանակ հայտարարեց իրանագետ Վարդան Ոսկանյանը:
Նրա խոսքով՝ հանդիպման ընթացքում հիմնականում քննարկվել է էներգետիկ ոլորտում երկու երկրների համագործակցության հարցը: «Եթե Հայաստանի նոր ատոմային էլեկտրակայանի շինարարությունում իրանական կողմի մասնակցությունը դառնա իրականություն, հայ-իրանական հարաբերությունները կբարձրանան կատարելապես նոր մակարդակի վրա, ես դրանք կանվանեի ռազմավարական, տնտեսական հարաբերություններ», - ընդգծեց Վարդան Ոսկանյանը: Սակայն, իրանագետը հավելեց, որ ցավոք, խոչընդոտներ կան Իրանի հետ կապված իրավիճակի շուրջ: «Հավանաբար, Իրանի նկատմամբ պատժամիջոցները որոշակի առումով մեղմացել են: Եվ մոտ ժամանակներս, եթե միջուկային ծրագրի շուրջ բանակցություններում համաձայնություն ձեռք բերվի, այդ պատժամիջոցները ավելի կմեղմանան: Այդ դեպքում Իրանը զգալի հնարավորություններ կունենա մասնակցելու բոլոր այն նախագծերին, որոնք այդ ժամանամիջոցում չեն իրականացվել ֆինանսական խնդիրների պատճառով», - նշեց փորձագետը:
Նա հստակեցրեց, որ խոսքը ինչպես էներգետիկայի ոլորտի, հաղորդակցական ուղիների, այնպես էլ բազմաթիվ այլ նախագծերի մասին է:
Հիշեցնենք, որ հոկտեմբերի 20-21-ին Հայաստանի վարչապետ Հովիկ Աբրահամյանը այցով մեկնել է Իրան, որտեղ հանդիպել է Իրանի Հանրապետության մի շարք պաշտոնատար անձանց հետ:
