«Բարգավաճ Հայաստան» կուսակցության առաջնորդ Գագիկ Ծառուկյանը հեղափոխությունների կողմնակից չէ, հոկտեմբերի 22-ին լրագրողներին հայտնել է ՀՀԿ-ական պատգամավոր Մկրտիչ Մինասյանը: Ըստ նրա՝ այդ եզրակացությանը հանգեցրել է Ծառուկյանի հետ ծանոթությունը: «Այդ մարդը ռուբիկոնը չի անցնում: Որպես քաղաքական գործիչ՝ նա հեղափոխությունների կողմնակից չէ եւ կայունության է ձգտում», - վստահեցրել է Մինասյանը:
Խոսելով հոկտեմբերի 24-ին ԲՀԿ-ի, «Ժառանգության» եւ ՀԱԿ-ի համատեղ հանրահավաքի մասին՝ նա նշել է, որ հոկտեմբերի 10-ին միմյանցից անջատ երեք ուժերի կողմնակիցները հազիվ թե կարողանան համախմբվել ընդամենը երկու շաբաթ անց: «Այնպես որ նրանք, ովքեր այս հանրահավաքի համար մեծ ապագա չեն կանխատեսում, հավանաբար, ճիշտ են», - նշել է Մինասյանը: