Նորքի ինֆեկցիոն հիվանդանոցից փախուստի դիմած եւ այժմ Վրաստանում գտնվող Սուրեն Վաչիկի Գաբրիելյանի գործով  նոր, հետաքրքիր հանգամանքներ են ի հայտ եկել: NEWS.am-ի թղթակցի հետ զրույցում նրա փաստաբանը՝ Հակոբ Ճարոյանն ասաց. որ ամբողջ գործը լի է հակասություններով:

Օրինակ, գործում կան հակասական փաստաթղթեր Ազգային Անվտանգության խորհրդի քարտուղար Արթուր Բաղդասարյանի գրություն ուղարկել, չուղարկելու մասով: Նախկին ԱԱԽ քարտուղարի գրություն ուղարկելուն վերաբերող փաստաթղթերը NEWS.am-ը արդեն ներկայացրել էր: Այժմ պարզվում է, որ մեղադրական եզրակացության մեջ նշված է, թե տվյալ գործը հարուցվել է Հայաստանում Իրանի Իսլամական Հանրապետությունից ստացված փաստաթղթերի հիման վրա:  Հակասություններ կան նաեւ ներկայացված փաստաթղթերի քանակի վերաբերյալ, Արթուր Բաղդասարյանի դիմումում դրանց թիվը 25 է, հետո այլ դառնում է 10, գործի այլ նյութերում փոխվում՝ հասնելով մինչեւ 60-ի:

Հակոբ Ճարոյանը շեշտեց, որ Արթուր Բաղդասարյանի ուղարկած գրության հիման վրա հարուցված քրեական գործի արդյունքում  ՀՀ երեք քաղաքացեւ է դատվում եւ Հայաստանի բանկերից մեկտ 8մլն եվրո է տվել ԻԻՀ դեսապանատնը, 1մլն էլ դեռ պետք է տա:  Բանն այն է, որ այս գործի շրջանակներում կալանավորվածները մեղադրվում են պաշտոնական դիրքի չարաշահման,  փողերի լվացման, խարդախության համար եւ կալանքի տակ գտնվող անձանցից մեկը՝ Արա Կիրակոսյանը, եղել է այդ բանկի կառավարիչ: Բանկը, ընդունելով, որ իր աշխատակիցը խախտում է արել, սակայն չսպասելով քննության ավարտին, դատավճռին, ԻԻՀ դեսպանատանը իր միջոցներից տվել է 8մլն եվրո, դեռ 1մլն-ն էլ պետք է տա:

Ավելի վաղ NEWS.am-ը հայտնել էր, թե Նորքի ինֆեկցիոն հիվանդանոցից փախուստի դիմած Սուրեն Վաչիկի Գաբրիելյանի դեմ քրեական գործ է հարուցվել «Օրինաց երկիր» կուսակցության ղեկավար, այն ժամանակվա Ազգային անվտանգության խորհրդի քարտուղար Արթուր Բաղդասարյանի գրության հիման վրա: Այս մասին NEWS.am-ի թղթակցի հետ զրույցում ասել էր նրա փաստաբանը՝ Հակոբ Ճարոյանը:

Նա նշել էր, որ Արթուր Բաղդասարյանը գրություն էր ներկայացրել՝ նշելով, թե դա ստացել է ՀՀ-ում Իրանի Իսլամական Հանրապետության դեսպանատնից, եւ այդ գրության հիման վրա սկսվել էր հետաքննություն, հարուցվել քրեական գործ, որի շրջանակներում էլ կալանավորվել էր Սուրեն Գաբրիելյանը: Փաստաբանը մտադիր է հենց առաջին դատական նիստին միջնորդություն ներկայացնել եւ Արթուր Բաղդասարյանին դատարան կանչել հարցաքննության: ՕԵԿ մամուլի խոսնակ Արթուր Միսակյանը մեզ հետ զրույցում ասել էր, թե Արթուր Բաղդասարյանը որեւէ նման գրություն չի ուղարկել եւ ընդհանրապես այդ գործի հետ կապ չունի: