Մ. թ. ա. IV դարի դամբարանի պեղումներ իրականացնող հույն հնագետները սֆինքսի մարմարե գլուխ են հայտնաբերել, հայտնում է ՏԱՍՍ-ը՝ վկայակոչելով Հունաստանի մշակույթի եւ սպորտի նախարարությունը:
Աղբյուրը հիշեցնում է, որ կանացի գլուխը գրեթե անվնաս է, չհաշված մասնակի կոտրված քիթը: Գլխի բարձրությունը 60 սմ է:
Հաջորդ օրերի ընթացքում գիտնականները մտադիր են ուժեղացնել դամբարանի պատերի ամրությունը, այն ամբողջությամբ մաքրել հողից, եւ հայտնվել դամբարանի դեռ չհետազոտված տարածքներում:
Աղբյուրը նշում է, որ հնագետներին հաջողվել է հայտնաբերել նաեւ մ. թ. ա. IV դարի հատակի խճանկար, որի վրա երկու տղամարդ են պատկերված. նրանցից մեկի գլխին դափնեպսակ կա, նա կառք է վարում, մյուսը թիկնոցով է եւ թեւավոր բոկոտիկներով, ենթադրվում է, որ նա մեռյալների թագավորության աստված Պլուտոնն է:
