Գալիք տարվա հունվարի 1-ից կգործի Եվրասիական տնտեսական միությունը (ԵՏՄ), որի կազմի մեջ են մտնում Ռուսաստանը, Բելառուսը, Ղազախստանը եւ Հայաստանը: Հայաստանի անդամակցության հետ կապված մյուս հարցերից բացի, շատերին հետաքրքրում են գների հետ կապված հարցերը: Այսինքն՝ մեր երկրում դրանք կնվազեն, թե կբարձրանան:
Նկատենք, որ Եվրամիությունում նման հասկացություն, ինչպես միասնական մանրածախ գներն են, գոյություն չունի: Ամեն երկիր ձեւավորում է իր գները, ընդ որում տարբերությունը 1,5 անգամի կարող է հասնել:
Գների մակարդակում Ռուսաստանը համարվում է «թանկ» երկիր: Սակայն պատասխանն այն հարցին, թե որտեղ է կյանքը թանկ՝ Ռուսաստանում, թե Հայաստանում, միանշանակ չէ: Համեմատենք կարեւորագույն սննդամթերքներից ամենակարեւորների պաշտոնական գները Երեւանում եւ ռուսական Կրասնոդար քաղաքում: Վերջինն աշխարհագրական դիրքով մոտ է Հայաստանին, այնտեղ մեծ թվով մեր հայրենակիցներ են ապրում՝ ինչպես Ռուսաստանի քաղաքացիներ, այնպես էլ Հայաստանի:
Նկատենք, որ բնակչության թվով(0,9 մլն մարդ) քաղաքը համադրել է Երեւանի հետ: Ինչ վերաբերում է Ռուսաստանի մայրաքաղաքին, ապա ապրանքներն այնտեղ ավելի թանկ են, սակայն աշխատավարձն այնտեղ 2 անգամ ավելի է, քան Կրասնոդարում:
Կրասնոդարում գները ներկայացված են դրամով՝ ինչպես անվանական(աղյուսակ 2), այնպես էլ ուղղումներով՝ կապված քաղաքի եւ Երեւանի աշխատավարձերի միջեւ հարաբերակցության հետ(աղյուսակ 3): Հարկ է հաշվի առնել, որ գները համեմատելիս ռուսական ռուբլու հայկական փոխարժեքը նվազում է: Հաշվարկներում կիրառվել 10,77 դրամի փոխարժեքը, մինչ դեռ հոկտեմբերի 22-ին ցուցանիշը նվազել էր մինչեւ 9,99 դրամի:
