Հոկտեմբեր 18-ին, ժամը 02.20-ին, հիվանդանոցից ոստիկանության Գավառի բաժնում հաղորդում էր ստացվել, որ «ձախ ենթակողի ծակած-կտրած վերք» ախտորոշմամբ իրենց մոտ է տեղափոխվել 37-ամյա Խաչիկ Կ.-ն եւ հայտնել, որ վնասվածքն ստացել է ծառից վայր ընկնելու հետեւանքով:
Ոստիկանության մամուլի ծառայությունից հայտնում են, որ ժամը 11.20-ին Կորյուն Կ.-ն հաղորդում է տվել, որ որդին` Խաչիկ Կ.-ն, զանգահարել է իրեն եւ հայտնել, որ հոկտեմբերի 17-ին, ժամը 19.00-ի սահմաններում, ծառից վայր է ընկել եւ ստացել վնասվածք ու խնդրել է որդուն տալ դատաբժշկի ուղեգիր` հանգամանքները պարզելու համար:
Խաչիկ Կ.-ին տրվել է դատաբժշկի ուղեգիր:
Ձեռնարկված օպերատիվ-հետախուզական միջոցառումների շնորհիվ պարզվել է, որ Խաչիկ Կ.-ն վնասվածքը ստացել է ոչ թե վայր ընկնելու հետեւանքով, այլ հոկտեմբերի 17-ին, ժամը 19.00-ի սահմաններում, Օգոստոսի 23-ի փողոցի հարեւանությամբ գտնվող այգում, վիճաբանության ժամանակ, 16-ամյա Ն. Ս.-ի կողմից դանակով հարվածելու հետեւանքով:
Ն. Ս.-ն հրավիրվել է բաժին, որտեղ տվել է խոստովանական բացատրություն եւ ներկայացրել է հանցագործության գործիք դանակը:
Ն. Ս.-ն ստորագրությամբ հանձնվել է ծնողին: