Այսօր Վերակառուցման եւ Զարգազման ԵվրոպականԲանկը (ՎԶԵԲ) եւ Եվրոպական Միությունը հանդես եկան հայտարարությամբ, որում ընդգծեցին ֆինանսավորման եւ նոուհաույի հասանելիության կարեւորությունըՀայաստանում փոքր եւ միջին ձեռնարկությունների (ՓՄՁ) զարգացման հարցում:
«ՓՄՁ-ների զարգացումը Եվրոպական միության առաջնահերթ խնդիրներից մեկն է եւ առանձնակի թիրախային է Հայաստանի նման մեր գործընկեր-երկրների հետ համագործակցության համար»,- նշեց Հայաստանում ԵՄ պատվիրակության համագործակցության ղեկավար Հոա-Բին Ադջեմյանը:
«ՎԶԵԲ-ի ծրագրերի նման ծրագրերը, հատկապես որոնք նպատակ ունեն նպաստել մեր երկրում ինտեգրված եղանակով ՓՄՁ-ների աշխատանքի զարգացմանը եւ բարելավմանը, չափազանց կարեւոր են հենց այդ նպատակներն իրագործելու տեսանկյունից: Սա միայն մեկն է այն մի քանի նախագծերից եւ հնարավորություններից, որոնք ԵՄ-ի շնորհիվ հասանելի են Արեւելյան Համագործակցության երկրներին»:
Ներկայումս ԵՄ-ն ՎԶԵԲ-ի Հայաստանում մասնավոր հատվածի կայուն զարգազմանն ուղղված խորհրդատվական գործունեության հիմնական դոնորն է, ինչը հնարավորություն է տալիս լավագույն միջազգային փորձը եւ նոու-հաուն ներդնել տեղական ՓՄՁ-ներին աջակցելուհամար:
«Հայաստանում անհրաժեշտ է զարգացնել կենսունակ մասնավոր սեկտոր, որը կնպաստի մատակարարման շղթայի զարգացմանը եւ արտահանման գործընթացին: Մասնավոր հատվածի զարգացմանը նպաստելու տեսանկյունից ՎԶԵԲ-ը Հայաստանում ՓՄՁ-ներին տրամադրում է ինչպես ֆինանսավորում, այնպես էլ նոու-հաու, ներառյալ բիզնես խորհրդատվություն ֆինանսավորման ներգրավման եղանակների վերաբերյալ: Ֆինանսների տեսանկյունից սա չափազանց արդիական է Հայաստանի համար»,- ասաց Վերակառուցման եւ Զարգացման Եվրոպական Բանկի Երեւանյան գրասենյակի ղեկավար Մարկ Դեւիսը:
«ՓՄՁ ոլորտը Հայաստանում սահմանափակված է, մասնավորապես, կապիտալի բացակայության պատճառով, հետեւաբար ,կապիտալի ակտիվ շուկայի ձեւավորումը շատ կարեւոր է տեղական ՓՄՁ-ների հետագա աճի ապահովման եւ զարգացման դիտանկյունից, քանի որ հնարավորություն է տալիս ձեռք բերել առավել բարձր կարգի փորձառնության»:
Միեւնույն ժամանակ տեղական ձեռնարկությունների հետ նախաներդրումային եւ հետներդրումային փուլերում աշխատելու ՎԶԵԲ-ի հսկայական փորձը վկայում է, որ շատ հաճախ ՓՄՁ–ները չեն կարողանում բավարար կերպով իրենց ներկայացնել պոտենցիալ ներդրողներին:
ԵՄ-ի ՓՄՁ-ների զարգացմանն ուղղված նախաձեռնությանշրջանակում ՎԶԵԲ-ը հրավիրել է ֆինանսական արդյունաբերության եւ մասնավոր կապիտալի ներդրման ոլորտներում 25-ամյա փորձ ունեցող միջազգային փորձագետ Գեւին Ռայանին կիսվելու ՓՄՁ-ների ներդրումային հնարավորությունների կանխորոշման իր փորձով, ինչը կօգնի վերջիններիս զարգանալ եւ դառնալ տեղական տնտեսության իրական խթանիչներ:
Լոնդոնի ու Տոկիոյի Normura Securities-ում, այնուհետեւ HSBC ներդրումային բանկում Գեւին Ռայանի ներդրումային բանկային փայլուն փորձը, ինչպես նաեւ նրա որպես մասնավոր կապիտալով հիմնադրամի՝ Soros InvestmentM anagement-ի, ղեկավարման ընթացքում ձեռքբերած գիտելիքները թույլ տան ՓՄՁ-ներին ձեռքբերել լավագույն պրակտիկ գիտելիքներ եւ հմտություններ, ինչպես նաեւ ծանոթանալ ներդրողների ներգրավման ավելի բարդ գործիքների կիրառման հնարավորություններին:
ՎԶԵԲ-ի Փոքր Բիզնեսի Աջակցության Խմբի Ազգային Ծրագրի ղեկավար Տիգրան Աղաբեկյանը նշեց. «Մենք կարծում ենք, որ Հայաստանում բիզնեսները փորձառու եւ որակավորված խորհրդատուների կողմից նոու-հաու մասնագիտական խորհրդատվությունների կարիքն ունեն, որոնք կօգնեն նրանց ավելի լավ ներկայացնել իրենց եւ համագործակցել ներդրողների հետ: Եվ ահա այստեղ էլ երեւում է մեր աջակցությունը: Մենք կապ ենք ստեղծում տեղական բիզնեսների եւ տեղական ու միջազգային որակավորված խորհրդատուների միջեւ՝ նրանց առաջարկելով մի շարք հնարավորություններ շարունակական մասնագիտական զարգացման համար»:
Նմանատիպ մասնագիտական զարգացման մեկ այլ հնարավորություն է «ՓՄՁ-ների համար կառավարչական պրեզենտացիայի ներդրողների համար տեղեկատվական թերթիկի մշակում» թեմայով դասընթացը, որը Գ.Ռայանըպետքէներկայացնիտեղականխորհրդատուներին:
Ըստ նրա` «Թե' երկրները եւ թե՛ ընկերությունները մրցակցում են ներդրողների ուշադրությունը գրավելու համար: Դա հնարավոր է միայն հավաստի տեղեկատվության եւ դրա պատշաճ ներկայացման դեպքում: Դասընթացը ֆինանսական խորհրդատուներին կօգնի առավել արդյունավետ սպասարկել իրենց հաճախորդներին եւ իրականացնել իրենց նպատակները»:
Դասընթացը տեղի կունենա Երեւանում հոկտեմբերի 23-ին եւ 24-ին: