XXI դարի արդեն առաջին կեսում տիեզերական գերտերությունների մրցակցություն կսկսվի Լուսնի ամենահարմար տեղերի համար` ապագա հետազոտական կայաններ ստեղծելու նպատակով, գրում է Gazeta.ru-ն` վկայակոչելով Ռուսաստանի գիտությունների ակադեմիայի հետ համատեղ Տիեզերական դաշնային գործակալության կազմած փաստաթուղթը:
Ըստ աղբյուրի` Ռուսաստանը օպերատիվ կերպով կզբաղեցնի Լուսնի ամենահարմար տեղերը:
Աղբյուրը նշում է, որ Լուսնի հարավային բեւեռի յուրացումը երեք փուլով է կատարվելու: Լուսնային պլատֆորմում նախատեսում են Երկրի մշտադիտարկման կայաններ տեղակայել, նոր տիեզերական եւ բժշկակենսաբանական սարքեր` դեպի Մարս արշավախմբի նախապատրաստման համար:
