Հոնդուրասում ուժողագույն երաշտի հետեւանքով վտանգված է շուրջ 500 հազար մարդու գոյությունը, հայտնում է BBC-ի ռուսական ծառայությունը՝ վկայակոչելով Կարմիր խաչի հայտարարությունը:
Ըստ կազմակերպության՝ ամենաաղքատ ընտանիքներին սովն է սպառնում, պարենի գներն աճում են, գյուղացիների եկամուտները՝ նվազում:
Շատերը վաճառում են գույքը եւ անասուններին, որպեսզի գոյատեւեն, ոմանք լքում են տները՝ երաշտից փրկվելու համար: Բժիշկներն ու իրավապահները բարեգործական հիմնադրամներին խնդրում են տուժած հոնդուրասցիներին օգնություն հատկացնել:
Հոնդուրասը Լատինական Ամերիկայի տնտեսապես թույլ զարգացած երկրներից է եւ կախում ունի ԱՄՆ-ի տնտեսությունից, ինչպես նաեւ արտահանվող հիմնական ապրանքների՝ բանանի եւ սուրճի համաշխարհային գների տատանումներից:
