Նոյեմբերի 16-ից «Գրոզնի Ավիա» ավիաընկերությունը կվերականգնի «Սիմֆերոպոլ-Երեւան» երթուղով թռիչքները, հայտնում է «Ինտերֆաքսը»՝ մեջբերելով Ղրիմի Հանրապետության տրանսպորտի նախարար Անատոլի Ցուրիկինը:
Աղբյուրի փոխանցմամբ՝ սա Ռուսաստանին Ղրիմի միացումից հետո Սիմֆերոպոլի օդանավակայանի երկրորդ միջազգային ավիաերթուղին է:
Նոր ուղղությամբ տոմսերի վաճառքը մեկնարկել է հոկտեմբերի 23-ին: Թռիչքները կիրականացվեն յուրաքանչյուր շաբաթը մեկ անգամ՝ կիրակի օրերին: Սիմֆերոպոլից թռիչքը նախատեսված է երեւանյան ժամանակով 9:00-ին: Թռիքչի տեւողությունը կազմում է մոտ 1 ժամ 45 րոպե: