Ոստիկանության Շենգավիթի բաժնի եւ Չարբախի բաժանմունքի ծառայողները Երեւանի Շիրակի փողոցից, թմրամիջոց պահելու կասկածանքով, բերման են ենթարկել 1954 թ. ծնված Հովնան Հ.-ին եւ 1978 թ. ծնված Անդրանիկ Թ.-ին:

Ոստիկանության լրատվության վարչությունից հայտնում են, թե խուզարկությամբ Հովնան Հ.-ի գրպանից հայտնաբերվել է 6, իսկ Անդրանիկ Թ.-ի գրպանից՝ 0.8 գրամ հաշիշանման զանգված:

Նյութերի նախապատրաստման ընթացքում Հովնան Հ.-ին պատկանող «ՎԱԶ-21012» մակնիշի ավտոմեքենայի զննությամբ` հետեւի նստելատեղի մոտից, հայտնաբերվել է պոլիէթիլենային պարկ, որի մեջ առկա էր 14 փաթեթ, որոնց զննությամբ հայտնաբերվել է 30 գրամ հաշիշանման զանգված:

Հովնան Հ.-ն հայտարարել է, որ հայտնաբերվածը պատկանում է իրեն, պահել է օգտագործելու եւ վաճառելու նպատակով:

Հայտնաբերվածն առգրավվել եւ ուղարկվել է դատաքիմիական փորձաքննության:

Պարզվել է նաեւ, որ հոկտեմբեր ամսվա ընթացքում Հովնան Հ.-ն պարբերաբար` 5 անգամ, վերջին անգամ հոկտեմբերի 21-ին, ժամը 22.00-ին, 3.000 դրամով Շիրակի փողոցում թմրամիջոց է վաճառել Անդրանիկ Թ.-ին:

Կատարվում է հետաքննություն: