Հոկտեմբերի 23-ի գիշերը անհայտ անձինք ՌԴ-ի Պետդումայի շենքում տեղադրված բանկոմատը կողոպտելու փորձ են իրականացրել: Այդ մասին հայտնում է «Utro»-ն՝ մեջբերելով Պետդումայի պատգամավոր Ալեքսանդր Սիդյակինին:
Բանկոմատը տեղադրված է Պետդումայի նոր շենքի 12-րդ հարկում՝ միջանցքում: «Բանկոմատը վնասվել եւ շարքից հանվել է, սակայն, ինձ մոտ առկա տեղեկություններով՝ կողոպտիչները չեն կարողացել հափշտակել դրամական միջոցները», - աղբյուրը մեջբերում է Պետդումայի հասարակայնության հետ կապերի եւ լրատվամիջոցների հետ փոխգործակցության վարչության պետ Յուրի Շուվալովին:
