Աշխարհում առաջին լողացող ատոմային ջերմաէլեկտրակայանի էներգաբլոկը պատվիրատուին կհանձնվի 2016թ. սեպտեմբերին, հայտնում է «ՌԻԱ Նովոստին»՝ մեջբերելով բալթիական նավաշինական գործարանի տնօրեն Ալեքսեյ Կադիլովի խոսքերը, որը զբաղվում է էներգաբլոկի շինարարությամբ:
Լողացող էներգաբլոկը, որն առաջարկվում է խոշոր ձեռնարկությունների էներգաապահովման, նավահանգստային քաղաքների, նավթ եւ գազ արդյունահանող համալիրների համար, ստեղծվում է ատոմային սառցահատների սերիական էներգետիկ սարքավորումների հիման վրա, որը ստուգվել է Արկտիկայում նրանց երկարատեւ շահագործման ընթացքում:
