Ռուսաստանցի մաքսայինները կանխել են ծամոնի եւ սնկի անվան տակ ԵՄ երկրներից միս ներկրելու փորձը, հայտնում է Հարավային շրջանի կայքը:
«Կանխվել է մի շարք ապրանքների անվան տակ (ծամոն, դոնդող, հյութի խտանյութ, սառեցված սնկեր եւ այլն) մսամթերքի ապօրինի ներկրման փորձը՝ 600 տոննա ընդհանուր քաշով, որը 26 բեռնարկղերով ուղարկվել էր Անտվերպենի, Համբուրգի եւ Ռոտերդամի նավահագիստներից: Ըստ պիտակների վրայի տեղեկության՝ մսի այդ հումքն արտադրված է Գերմանիայում, Բելգիայում, Լեհաստանում եւ Նիդեռլանդներում», – ասվում է հաղորդագրությունում:
«Նշված փաստերը հերթական անգամ վկայում են ԵՄ իրավասու պետական մարմինների կողմից վերահսկողության բացակայության մասին», – մեջբերում է աղբյուրը «Ռոսսելխոզնադզոր»-ի հաղորդագրությունը:
