Հոկտեմբերի 13-ից 18-ն ընկած ժամանակահատվածում Երեւան քաղաքի որոշ հատվածներում տեղի ունեցած հոսանքի կտրուկ տատանումների արդյունքում խափանվել են լուսացույցերի կանաչ ազդանշանի հետադարձ հաշվի ցուցիչները:
ՀՀ ոստիկանության «Ճանապարհային ոստիկանություն» ծառայության եւ «Լուսանշան» ՊՈԱԿ-ի կողմից աշխատանքներ են տարվում նշված սարքերը հնարավորինս արագ վերանորոգելու եւ տեղադրելու ուղղությամբ:
Հոկտեմբերի 23-ի դրությամբ արդեն վերականգնվել է 12 ցուցիչների աշխատանքը: Խափանված մյուս ցուցիչների աշխատանքն ամբողջովին կվերականգնվի մինչեւ հոկտեմբերի 26-ը:
ՀՀ ոստիկանության «Ճանապարհային ոստիկանություն» ծառայությունը հայցում է տրանսպորտային միջոցների վարորդների եւ հետիոտների ներողամտությունը:
