Չինացի աղջիկը մեկ շաբաթ KFC-ում է անցկացրել՝ սնվելով տապակած հավի թեւիկներով: Նա պարզաբանել է, որ իրեն ժամանակ էր հարկավոր սիրելիից բաժանվելուց հետո:
Չենդուի 26-ամյա բնակչուհի Թան Շենը ռեստորան է գնացել՝ բաժանման մասին մտածելու համար հարմար վայր գտնելու նպատակով: Աղջիկը նույնիսկ զանգահարել է աշխատավայր եւ հայտարարել, որ հիվանդ է:
«Ես չէի ցանկանում վերադառնալ իմ բնակարան, որովհետեւ այնտեղ հիշողությունները կտանջեին ինձ, այդ պատճառով մնացի»,- բացատրել է նա:
Մի քանի օր անց ռեստորանի աշխատակիցները սկսել են անհանգստանալ Թանի համար:
«Մենք հերթափոխով ենք աշխատում, ռեստորանը բաց է 24 ժամ, այնպես որ՝ օրվա ընթացքում մենք բազմաթիվ մարդկանց ենք տեսնում: Սկզբում նրան ոչ ոք չէր նկատել, բայց մի քանի օր անց սկսեցի մտածել, որ նա ծանոթ է»,- ռեստորանի 22-ամյա աշխատակցի խոսքերն է մեջբերում Mail Online-ը:
Եվս մեկ օր անց տղան հասկացել է, որ աղջկան սպասարկում է վերջին երեք օրվա ընթացքում, եւ որ նա իրականում ոչ մի տեղ չի գնում:
Թանը որոշել է, որ ժամանակն է հեռանալ հաստատությունից, երբ մեկ շաբաթ անց KFC-ում լրագրողներ են հայտնվել: Բացի այդ, աղջիկը սկսել է զզվել հավի համից:
«Ես որոշեցի, որ ավելի լավ է հեռանամ քաղաքից եւ վերադառնամ ծնողներիս մոտ: Ես արդեն զանգահարել եմ աշխատավայր եւ ասել, որ հեռանում եմ»,- խոսովանել է Թանը:
Ըստ FedPost.ru-ի, լրատվամիջոցների հետ զրուցելուց հետո աղջիկը նստել է Շանդուն նահանգ մեկնող գնացք եւ մեկնել ծնողների մոտ: