Վայոց Ձորի արդեն նախկին մարզպետ Էդգար Ղազարյանը, որն այսօր՝ հոկտեմբերի 23-ին, իր դիմումի համաձայն ազատվեց մարզպետի պաշտոնից եւ նույն օրը նշանակվեց Լեհաստանում Հայաստանի արտակարգ եւ լիազոր դեսպան, երաժշտական հրաժեշտ է տվել իր գործընկերներին եւ ընկերներին։
Նա իր ֆեյսբուքյան էջում տեղադրել է «Կադանս» անսամբլի հետ Աստոր Պիացոլայի տանգոյի իր կատարումը եւ գրել. «2014 թվականի հոկտեմբերի 23-ին, այլ աշխատանքի անցնելու կապակցությամբ, իմ դիմումի համաձայն, ՀՀ կառավարության որոշմամբ ես ազատվել եմ ՀՀ Վայոց ձորի մարզպետի պաշտոնից: Հրաժեշտից առաջ ԿԱԴԱՆՍ անսաբլի հետ իմ այս կատարումը սիրով նվիրում եմ իմ բոլոր ընկերներին, բարեկամներին և ինձ իրենց դրական վերաբերմունքով շրջապատած բոլոր մարդկանց»։
