ՀՀԿ Գործադիր մարմնի այսօր` հոկտեմբերի 23-ին, տեղի ունեցած նիստին կադրային հարցեր չեն քննարկվել: Այս մասին նիստից հետո լրագրողներին ասաց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը:
«Տարածքային կառավարման նախարարի, փոխվարչապետի եւ մարզպետի հարց այս նիստին չի քննարկվել: Չեմ կարող ասել, թե երբ կքննարկվի»,- ասաց Շարմազանովը:
Լրագրողների հարցին, թե խորհրդարանական ոչ իշխանական եռյակի` ԲՀԿ-ի, ՀԱԿ-ի եւ «Ժառանգության»` հոկտեմբերի 24-ին կայանալիք հանրահավաքին է՞լ անդրադարձ չի եղել, ՀՀԿ մամուլի խոսնակը պատասխանեց, որ ոչ, քանի որ յուրաքանչյուր քաղաքական ուժ ինքն է որոշում իր օրակարգը»:
Նշենք, որ հոկտեմբերի 16-ին կառավարության նիստին Արմեն Գեւորգյանը հրաժարական ներկայացրեց: Հոկտեմբերի 23-ին էլ հրաժարական տվեց Վայոց Ձորի մարզպետ Էդգար Ղազարյանը, ով արդեն նշանակվել է Լեհաստանում Հայաստանի դեսպան:
