Volkswagen ընկերությունը հայտարարել է իր նոր Volkswagen Beetle-ի գինը: Սպասվում է, որ մեքենան պաշտոնական ավտոսրահներում կհայտնվի արդեն 2015 թվականի սկզբին:
Նոր մոդելը հագեցած է ավտոմատ փոխանցման տուփով, չորս մխոցով բենզինե շարժիչով՝ 1.8 լիտր ծավալով եւ 170 ձիաուժ հզորությամբ:
Մոդելը ավտոսրահներում ներկայացված կլինի երեք գույնով. արծաթագույն, սեւ եւ սպիտակ:
Ինչ վերաբերում է ֆունկցիոնալությանը. Planet Today-ի փոխանցմամբ՝ այն բավական ստանդարտ է: Նոր Volkswagen-ը կունենա արբանյակային նավիգացիա եւ արբանյակային ռադիո: Ավանդույթի համաձայն՝ ավտոմեքենայի սրահը երկու գույն կունենա:
Ընկերության ներկայացուցիչների տեղեկացմամբ, նոր Volkswagen-ը կարժենա 20.195 դոլար: Բացի այդ, նոր մոդելը հնարավոր կլինի ձեռք բերել նաեւ կաբրիեոլետ տարբերակով: Նման Beetle-ն 25.995 դոլար կարժենա:
