Amazon ամերիկյան ընկերությունը վերջին 14 տարիների ընթացքում առաջին խոշորագույն եռամսյակային վնասն է կրել, հաղորդում է Gazeta.ru-ն:
Ընկերության վնասը կարող է կապված լինել նոր արտադրանքների մշակման վրա ծախսվող գումարներով՝ արտոնագրված երաժշտություն, տեսանյութեր ու այլ ծրագրեր՝ ընկերության ռազմավարության ընդլայնման շրջանակներում:
Եվս մեկ պատճառ է Amazon Fire սմարթֆոնի վատ վաճառքը: Աղբյուրի փոխանցմամբ՝ Amazon-ի զուտ կորուստը այս տարվա 3-րդ եռամսյակում հասել է 437 մլն դոլարի: Վաճառքն աճել է 20 տոկոսով՝ հասնելով 20,58 մլրդ դոլարի: Ընկերության օպերացիոն վնասը կազմել է 544 մլն դոլար՝ դառնալով ամենախոշորը Amazon-ի պատմության ընթացքում: «Ակնհայտ է, որ նրանք ամեն տեղ փող են ծախսում»,-հայտարարել է վերլուծաբան Մայքլ Փաքթերը: