Օրինաչափ է, երբ ընդդիմությունը բանակցություններ է վարում իշխանությունների հետ, որպեսզի դուրս գա ստեղծված իրավիճակից: Այս մասին, այսօր՝ հոկտեմբերի 24-ին, ԱԺ ճեպազրույցների ժամանակ նշել է «Ժառանգություն» խմբակցության ղեկավար Ռուբեն Հակոբյանը:
«Դա լրիվ օրինաչափ գործընթաց է, ես ուղղակի զարմանում եմ, որ մեր խոսքն այն մասին, որ եռյակը (ԲՀԿ, ՀԱԿ, «Ժառանգություն»-խմբ) պատրաստ է բանակցություններ վարել իշխանությունների հետ, զարմանքով կամ սվիններով են ընդունվում: Ձեր կարծիքով ինչպես այլ կերպ կարելի է հասնել ցանկալի արդյունքների»,-ասել է Ռուբեն Հակոբյանը:
