Ռուսաստանը մտադիր չէ խառնվել Հայաստանի եւ ԼՂՀ-ի սահմանային անցակետի աշխատանքին: Այս մասին հայտարարել է Ռուսաստանի Դաշային մաքսային ծառայության ղեկավար Անդրեյ Բելյանինովը «Ռուսաստանն այսօր»-ում կայացած մամուլի ասուլիսում:
Ի պատասխան հարցին՝ որոշվել է արդյոք Հայաստանի եւ ԼՂՀ-ի սահմանին մաքսավորների ներկայության հարցը, նա ասել է. «Առաջիկայում չենք նախատեսում... Ես վերջերս Հայաստանում ներկայացուցիչ եմ նշանակել, առաջիկայում նա կգնա Հայաստան: Ամենայն հավանականությամբ, նա կայցելի սահման, սակայն հայ մաքսավորների գործերին չենք պատրաստվում միջամտել:
Այսօր գլխավոր հարցը աշխատանքային լեզվի հարցն է: Բելառուսի, Ղազախստանի եւ Ռուսաստանի Մաքսային միությունում մենք ռուսերենն ենք գործածում որպես աշխատանքային լեզու, իսկ Հայաստանում, ինչպես հայտնի է, գործածվում է հայերենը»:
