Ռուսաստան ամեն տարի 6 միլիոնից ավելի մարդ է այցելում Կենտրոնական Ասիայի երկրներից, հայտնում է «ՌԻԱ Նովոստին»՝ վկայակոչելով ՌԴ ԱԳ փոխնախարար Գրիգորի Կարասինին:
«Ամեն տարի Կենտրոնական Ասիայից այցելողների թիվը գերազանցում է 6 միլիոնը: Տարածաշրջանի պետությունների հետ Ռուսաստանի ապրանքաշրջանառության ծավալը գերազանցում է 30 մլրդ դոլարը: Կենտրոնական Ասիայի արտաքին առեւտրում Ռուսաստանի մասնաբաժինը 16-ից 30% է», - Կարասինի խոսքերն է մեջբերում աղբյուրը:
Նա նաեւ հայտնել է, որ Ռուսաստանից տարածաշրջան ֆիզիկական անձանց դրամական փոխանցումների գումարը միայն 2013-ին կազմել է 13,3 մլրդ դոլար: «Մեր առաջ արտահանման, ներկրման, բիզնեսի համար պայմանների բարելավման, տարածաշրջանի երկրների արդյունաբերական ոլորտը զարգացնող նախագծերի իրականացման ընդհանուր խնդիրներ են ծառացած»,- հավելել է նա: