Չարժե սպասել, որ խորհրդարանական եռյակի երկրորդ հանրահավաքը ինչ-որ լուրջ արդյունքների կհանգեցնի: Այդ մասին այսօր՝ հոկտեմբերի 24-ին, մամուլի ասուլիսի ժամանակ հայտարարեց ազգային անվտանգության նախկին փոխնախարար Գուրգեն Եղիազարյանը:
Անդրադառնալով հարցին, որ եռյակի ուժերը գործի մեջ միասնական չեն, նա ընդգծեց, որ եռյակի առաջ մի ամբողջ բանակ է կանգնած, անվտանգության մի ամբոջ համակարգ, ոստիկանություն: «Բնական է, որ իշխանությունները ամեն ինչ կանեն այն պառակտելու եւ իշխանափոխություն տեղի չունենալու համար», - նշեց Եղիազարյանը: Եթե եռյակին միանան այնպիսի «ընդդիմադիր» ուժեր, ինչպես օրինակ «Օրինաց երկիր» կուսակցությունն է, ընդդիմադիր դաշտը կվերածվի բորշի:
Ի պատասխան հարցին՝ կարո՞ղ են, արդյոք, եռյակի ուժերը համատեղել իրենց պահանջները՝ հաշվի առնելով, որ այդ ուժերի առաջնորդները երբեք ավելի վաղ չեն համագործակցել եւ նույնիսկ ելույթ չեն ունեցել մրցակիցների կարգավիճակում, Եղիազարյանը հիշեցրեց. «Ես դեռ մայիսին ասացի, որ քառյակը կվերածվի երկյակի: Պատկերացրեք, ինչպիսի վատ վիճակում է մեր երկիրը, որ այս երեք անհամատեղելի ուժերը, չունենալով միասնական դիրքորոշում եւ օրակարգ, միասին են հանդես գալիս»:
Անդրադառնալով «Բարգավաճ Հայաստան» կուսակցության առաջնորդ Գագիկ Ծառուկյանի՝ եռյակի միասնական նախագահի թեկնածու դառնալու շանսերին՝ նա ընդգծեց. «Եթե ինձ հարցնեք, ում եմ ես տեսնում որպես նախագահ, ես կանվանեմ Լեւոն Տեր-Պետրոսյանին»:
