Ստեղծված անհասկանալի իրավիճակում Հայաստանը պետք է մեկ ուղի ընտրի՝ «կամ-կամ», «եւ-եւ»-ի քաղաքականությունը հեքիաթի ժանրից է: Այս մասին, այսօր՝ հոկտեմբերի 24-ին ասուլիսում նշել է Ազգային անվտանգության նախկին փոխնախարար Գուրգեն Եղիազարյանը:
Նրա համոզմամբ՝ «եւ-եւ»-ի քաղաքականությունը ընդամենը արդարացում է Հայաստանի իշխանությունների համար, որպեսզի հանգստացնի հասարակությանը:
«Հայաստանը երբեք չի կարող կամուրջ լինել մի ողջ շարք հսկա երկրների՝ Եվրոպայի երկրների ու Ռուսաստանի միջեւ: Այդ կամուրջը կփլուզվի հենց առաջին փորձարկման ժամանակ: Ավելի լավ է զբաղվել տնտեսության զարգացմամբ, քան կամուրջներ կառուցել հեքիաթի ոլորտից»,-ընդգծել է Եղիազարյանը: