Հոկտեմբերի 25-ին Հայաստանի հանրապետական կուսակցության երիտասարդական կազմակերպությունըեւԵրևանի պետական բժշկական համալսարանի ուսանողական խորհրդարանը այցով Տավուշի մարզի ՉինարիեւԱյգեպար գյուղերում էին: Այս մասին NEWS.am-ը տեղեկացավ ՀՀԿ երիտասարդական կազմակերպությունից:
«Լինենք հոգատար» ծրագրի շրջանակներում ուսանողները Երևանից ուղևորվել են Տավուշի մարզի Չինարի եւ Այգեպար գյուղերի դպրոցներ: 2 գյուղերի աշակերտների հետ անցկացվել են դասընթացներ «առողջ ապրելակերպ», «օգտակար սննդակարգ», «անձնական հիգիենա» թեմաներով, իրականացվել առաջին բուժօգնության պարապմունքներ: Դասընթացների ավարտին երեխաները ստացել են անձնական հիգիենայի պարագաներ /ատամի մածուկներ, խոզանակներեւայլն/:
Ծրագրի նպատակն էր աշակերտների շրջանում քարոզել առողջ ապրելակերպ, կանոնավորել սննդակարգը, առաջին բուժօգնության դասընթացների շնորհիվ դարձնել պատրաստ արտակարգ իրավիճակներին:
Աշակերտների սպորտային խաղերի արդյունավետ կազմակերպման համար երիտասարդները նրանց սպորտային գույքեւսպորտային պարագաներ են նվիրել, այդ թվում՝ դարպասապահի ձեռնոց, գնդակներ, թենիսի սեղան, շախմատներ եւ այլն:
Միջոցառման կազմակերպիչներից Կարեն Ակոպյանն իր խոսքում նշեց. «Լինելով բժիշկ՝ պատասխանատվության մեծ զգացում ունեմ նման միջոցառումների կազմակերպման համար եւ շատ ուրախ եմ, որ հերթական այսպիսի ծրագրի նախաձեռնողները հենց բժիշկ-ուսանողներն են՝ հանձին ԵՊԲՀ ուսանողական խորհրդարանի: Այս ծրագիրն ունենալու է շարունակական բնույթ՝ ուշադրության կենտրոնում պահելով հատկապես սահմանամերձ գյուղերը, որտեղ ծրագրի նպատակներն առավել արդիական են»,- ասել է նա:
