Բրազիլիայում հոկտեմբերի 26-ին նախագահական ընտրությունների երկրորդ փուլն է անցկացվում: Այդ մասին հաղորդում է ՏԱՍՍ-ը:
Ինչպես նշում է աղբյուրը, նախագահի պաշտոնի համար պայքարում են Բրազիլիայի գործող նախագահ Դիլմա Ռոուսեֆը, եւ ընդդիմադիր Բրազիլիական սոցիալ-դեմոկրատական կուսակցության թեկնածու սենատոր Աեսիու Նեւիսը:
Ընտրություների առաջին փուլում, հիշեցնում է աղբյուրը, Ռոուսեֆը մոտ 42 տոկոս է հավաքել՝ առաջ անցնելով բոլոր մրցակիցներից, այդ թվում նաեւ երկրորդ տեղում հայտնված Նեւիսից:
Հասարակական կարծիքի հետազոտման ինստիտուտի տվյալներով եւ վիճակագրության համաձայն՝ Ռոուսեֆը երկրորդ փուլում կարող է 47 տոկոս ձայն հավաքել: Բրազիլիայում ընտրություններին մասնակցում են 18-70 տարեկան բոլոր քաղաքացիները:
Վերջին տարիների ընթացքում Բրազիլիայի ավելի քան 20 մլն բնակիչ կարողացել է հաղթահարել ծայրահեղ աղքատությունն ու միջինից ցածր դասի մակարդակը:
