Հայոց ցեղասպանության 100-ամյա տարելիցի միջոցառումները համակարգող պետական հանձնաժողովն իր աշխատանքները կավարտի 2014թ. դեկտեմբերին: Այդ մասին այսօր՝ հոկտեմբերի 28-ին, խորհրդարանում 2015թ. հանրապետության պետբյուջեի նախագծի քննարկումների ժամանակ հայտարարեց ֆինանսաների նախարարի առաջին տեղակալ Պավել Սաֆարյանը:
Նրա խոսքով՝ միջգերատեսչական հանձնաժղովն արդեն ավարտում է իր աշխատանքները, այդ թվում՝ ծրագրերի նախահաշիվները: «Ապագա ծախսումների ֆինանսական գնահատականները մենք կարող ենք ներկայացնել միայն դրանից հետո: Եթե դա տեղի ունենա բյուջեի ընդունումից հետո, ապա մենք այդ գումարները կհատկացնենք կառավարության պահուստային միջոցներից»:
