Բջջային հեռախոսներից օրական ավելի քան 700 մլն օգտատեր է մտնում Facebook սոցիալական ցանց: Այդ մասին հայտնում է Lenta.ru-ն՝ վկայակոչելով Facebook-ի հաղորդագրությանը:
Աղբյուրի փոխանցմամբ՝ վերջին տարում տվյալ ցուցանիշը մոտ 40%-ով աճել է: Վերջին երեք ամիսներին Facebook-ի լսարանը ավելացել է մոտ 30 մլն օգտատերերով: Միայն սոցկայքի բջջային ծառայությամբ ամսական 1,12 մլրդ մարդ է օգտվում՝ անցած տարվա համեմատությամբ 1/3-ով ավելին:
Բջջային տեխնոլոգիաների զարգացումը Ֆեյսբուքի ղեկավար Մարկ Ցուկերբերգը համարում է սոցցանցի այսօրվա գլխավոր առաջնահերթությունը: Բացի սոցկայքի հավելվածներից, Facebook-ին է պատկանում նաեւ WhatsApp-ն ու Instagram-ը:
Սոցցանցի նոր հնարավորությունների թվում են տրված կարգով մի քանի լուսանկարների ներբեռնումը եւ հրապարակված ֆոտոպատմության՝կոլաժի տեսքով արտացոլումը: